Ноокен районунда жашы жете электердин эмгек укуктарын коргоо боюнча профилактикалык рейд өткөрүлдү

Ноокен районунда жашы жете электердин эмгегин коргоо боюнча профилактикалык рейд өткөрүлдү 2026-жылдын август айында Ноокен районунун Массы айылында жашы жете элек балдардын эмгек укуктарын коргоо жана аларды оор, ден соолугуна жана өнүгүүсүнө зыян келтирүүчү жумуштарга тартууга жол бербөө максатында профилактикалык рейд өткөрүлдү. Рейд Ноокен райондук эмгек, социалдык камсыздоо жана миграция башкармалыгынын адистери жана Ноокен райондук ички иштер бөлүмүнүн кызматкерлери менен биргеликте жүргүзүлдү. Иш-чаранын жүрүшүндө жеке ишкерлик субъекттеринде жашы жете элек өспүрүмдөрдүн эмгек шарттарына көңүл бурулуп, алардын укуктарын жана мыйзамдуу кызыкчылыктарын коргоого багытталган түшүндүрүү иштери жүргүзүлдү. Жеке ишкерлерге жашы жете элек балдарды мыйзамда тыюу салынган оор жана зыяндуу жумуштарга тартууга жол берилбестиги, ошондой эле алардын эмгегин пайдаланууда Кыргыз Республикасынын эмгек мыйзамдарынын талаптарын так сактоо зарылдыгы түшүндүрүлдү. Мындай профилактикалык иш-чаралар жашы жете электердин эмгек укуктарын коргоо, алардын коопсуздугун камсыз кылуу жана балдар эмгегин эксплуатациялоонун алдын алуу багытында мындан ары да улантылат. сделай заголовок на русском и на кыргызском